Nýr smart #5 fékk að njóta sín við krefjandi akstursaðstæður í Douro-dalnum í Portúgal á dögunum þegar fyrsti opinberi reynsluakstursviðburðurinn í Evrópu fór fram. Ljóst er að hér er á ferð ökutæki sem er tilbúið að sanna sig – með 800V hleðslukerfi, háþróuðum aksturseiginleikum, tækninýjungum og öllu því sem þú getur óskað þér þegar kemur að búnaði.
Reynsluakstur fjölmiðla stóð yfir í tvær vikur þar sem yfir 170 blaðamenn og efnisframleiðendur frá 19 löndum fengu tækifæri til að aka bílnum og upplifa allar hliðar hans í fjölbreyttu landslagi portúgölsku sveitarinnar.
27. maí 2025
Nýr smart #5 er á leið til landsins
Getur hlaðið frá 10-80% á 18 mínútum.
„Ég er sannfærð um að smart #5 sé öflug viðbót við íslenskan rafbílamarkað,“ segir Sigrún Ágústa, vörumerkjastjóri smart. „Bíllinn hentar íslenskum aðstæðum einkar vel – hann er rúmgóður, kraftmikill og býr yfir algjörlega framúrskarandi búnaði og þægindum sem henta nútíma fjölskyldum.“
Fjölhæfni og framtíðarlausnir
Nýr smart #5 kemur í þremur útfærslum til Íslands – Pulse, Summit Edition og BRABUS – sem allar eru fjórhjóladrifnar og tilbúnar fyrir íslenska landslagið. Bíllinn er með allt að 540 km drægni og 400 kW hraðhleðslu, sem gerir honum kleift að fara úr 10% í 80% hleðslu á aðeins 18 mínútum.
Bíllinn er einnig búinn háþróuðu stýrikerfi smart OS 2.0 með sýndarveruleika í mælaborði, gervigreindarstýringu og 20 hátalara Sennheiser hljóðkerfi með möguleika á Dolby Atmos.
