Askja
Skip to content
  1. Forsíða

  2. ábyrgðarskilmálar kia

  3. Ábyrgðarskilmálar Kia

Ábyrgðarskilmálar Kia

Ábyrgðarskilmálar Kia

Við treystum á Kia

Það sem aðgreinir Kia frá öllum öðrum bílum felst í þremur orðum: 7 ára ábyrgð. Við erum í fararbroddi á markaðnum með þessa yfirgripsmiklu ábyrgð sem endurspeglar um leið þá tiltrú sem við höfum á hverjum þeim bíl sem er framleiddur af Kia. Ábyrgðin færir þér fullkomna hugarró ekkert skemur en í 7 ár. Í þjónustuhandbók Kia og ábyrgðarskilmálum er að finna greinargóða lýsingu á ábyrgðinni, skyldum Kia Motors, Öskju og Kia eigenda, upplýsingar um það sem ábyrgðin nær og nær ekki til, ábyrgð gagnvart gegnumtæringu, ábyrgð á varahlutum, takmörkun ábyrgðar, skýrslur um reglubundið viðhald, ryðvarnareftirlit, skýrslur um endurnýjun kílómetrateljara, síma- og netfangaskrá, upplýsingar um þjónustutíma deilda, auk annarra hagnýtra upplýsinga.

Viðurkenndir þjónustuaðilar Kia

  • Þú ferð með Kia bifreiðina þína með þjónustuhandbókina til viðurkennds þjónustuaðila Kia. Allir viðurkenndir þjónustuaðilar Kia geta annast viðgerðir sem falla undir ábyrgð, en við mælum með því að þú leitir til þess aðila sem þú keyptir bifreiðina af, ef nokkur kostur er – það hjálpar til ef þeir þekkja til þín og Kia bifreiðarinnar þinnar.

  • Til að uppfylla ábyrgðarskilmálana þarf að fara með Kia bifreiðina þína í reglubundið þjónustueftirlit samkvæmt fyrirmælum framleiðanda. Forsendur ábyrgðar eru reglulegt þjónustueftirlit sem kaupandi ber kostnað af.

  • Kia verksmiðjurnar ábyrgjast yfirbyggingu bifreiðarinnar gagnvart gegnumryðgun í 10 ár, með þeim skilyrðum sem sett eru í ábyrgðarskilmálum sem bifreiðinni fylgja og með eftirfarandi undantekningum:

    - Tæring vegna skemmda af völdum óhappa, misnotkunar eða breytinga á bifreiðinni

    - Kemísk efnamengun, fugladrit, súrt regn, snjóhagl, umferðaróhöpp, sandfok, saltmengun, afísunarefni, grjótkast, eldsvoði, mannleg mistök, vanræksla, óeirðir eða náttúruhamfarir

    - Tæring vegna vanrækslu á að lagfæra minniháttar skemmdir

    - Tæring sem rekja má til þess að ekki hefur verið farið eftir fyrirmælum í þjónustuhandbók

    - Ábyrgðin tekur hvorki til eðlilegs slits á bifreiðinni né skemmda sem kunna að verða vegna óhappaatvika, misnotkunar, vanrækslu í meðferð eða við afbrigðilega notkun, svo sem í kappakstri, akstri utan vega o.fl.

Þjónustuhandbók Kia

Skoða nánar
Kia Niro nýr