Við leitum að þjónustuliprum og ábyrgum aðila til að sinna móttöku viðskiptavina fólks – og sendibílaverkstæðis Mercedes-Benz.

Askja er sölu- og þjónustuumboð fyrir Mercedes-Benz, smart, Kia og Honda. Markmið okkar er að vera leiðandi í þjónustu til viðskiptavina og skapa starfsumhverfi sem byggir á metnaði, fagmennsku, heiðarleika og gleði.

Helstu verkefni:

• Móttaka viðskiptavina og ráðgjöf til þeirra
• Móttaka bókana fyrir þjónustu og viðgerðir
• Tilboðs- og reikningagerð
• Svara fyrirspurnum og erindum sem berast

Hæfniskröfur:

• Reynsla af þjónustustörfum æskileg
• Samstarfs- og samskiptahæfni og rík þjónustulund
• Áhugi og þekking á bílum kostur
• Frumkvæði, sjálfstæði og nákvæmni í vinnubrögðum
• Fagleg framkoma, snyrtimennska og stundvísi
• Góð íslensku- og enskukunnátta í ræðu og riti
• Gild ökuréttindi

Af hverju Askja?

• Fjölskylduvænn vinnustaður
• Samkeppnishæf kjör
• Reglulegir viðburðir og frábær starfsandi
• Allir hafa rödd sem hlustað er á
• Hugað er að velferð og vellíðan starfsfólks
• Samgöngu- og líkamsræktarstyrkur og líkamsræktaraðstaða

Í anda jafnréttisstefnu Öskju hvetjum við öll áhugasöm til að sækja um; óháð kyni.

Um er að ræða framtíðarstarf. Nánari upplýsingar um starfið veitir Ólafur Kristjánsson þjónustustjóri okr@askja.is