Öskjuskutlan

Öskjuskutlan

Bílaumboðið Askja býður viðskiptavinum sínum endurgjaldslausa akstursþjónustu innan höfuðborgarsvæðisins. Í boði er að aka þeim heim eða til vinnu þegar komið er með bifreið á verkstæði Öskju og sækja* þegar viðgerð er lokið. Áætluð brottför er klukkan 8:15 á morgnanna og eftir það er áætlun klukkan 9:15 og 10:15.
Tímasetningar skutlunnar eru skipulagðar með fyrirvara og háðar umferð, færð og álagi hverju sinni.
Þegar bifreið er tilbúin til afhendingar getur viðskiptavinur beðið um að hann sé sóttur heim eða til vinnu.* Öskjuskutlan sækir viðskiptavini milli klukkan 14:00 og 16:00 á daginn og á milli 13:00 og 15:00 á föstudögum. Hversu langan tíma það tekur að sækja viðskiptavini fer eftir því hvar Öskjuskutlan er stödd, hvenær hún losnar og hvar viðskiptavinur er staðsettur. Reynt er að skipuleggja ferðir skutlunnar eins vel og hægt er svo koma megi sem flestum að.

Sóttvarnaraðgerðir Öskjuskutlunnar

Einungis fjórir farþegar eru í hverri skutlu og eru farþegar vinsamlega beðnir um að vera með grímur og hanska eins og kveðið er á um í gildandi samkomutakmörkunum. (Askja útvegar grímur og hanska ef þess þarf.)
Bílstjórar Öskjuskutlunnar eru með grímur og hanska og sótthreinsa helstu snertifleti eftir hverja ferð.
Vegna takmarkana á fjölda farþega getur sú staða komið upp að ekki sé hægt að koma öllum farþegum að í sömu ferð.

Ef mikið liggur við er skynsamlegra að leita annarra leiða.

*Reynt er eftir fremsta megni að sækja alla þá sem þess óska en ekki er hægt að tryggja að hægt sé að sækja alla viðskiptavini vegna eftirspurnar og ytri aðstæðna. 

Þessi síða notar fótspor (e. cookies) vegna nauðsynlegrar virkni hennar og til að safna tölfræðigögnum með þeim tilgangi að gera síðuna betri.