@Html.Partial("_SocialMetaTags")

Mercedes-Benz á Ljósanótt

Mercedes-Benz á Ljósanótt

Mercedes-Benz býður gestum Ljósanætur uppá veglega bílasýningu nk. laugardag. Sýningin fer fram á SBK planinu við Keflavíkurtún á laugardaginn kl. 12–17.

,,Við hjá Öskju hlökkum mikið til að bjóða uppá Mercedes-Benz bílasýningu á Ljósanótt. Hátíðin hefur fyrir löngu fest sig í sessi sem ein helsta menningar- og fjölskylduhátíð landsins með viðamiklum og skemmtilegum viðburðum. Við verðum með breiða og glæsilega línu bíla frá Mercedes-Benz. Alls verða 10 bílar á staðnum og má þar nefna blæjubíl, jeppa, fólksbíla og sportbíla.
Þá verður hinn nýi og eftirtektarverði Marco Polo ferðabíll einnig á sýningunni þannig að fjölbreytnin verður í fyrirrúmi hjá okkur og allir ættu að finna bíla við sitt hæfi"
segir Ásgrímur Helgi Einarsson, sölustjóri Mercedes-Benz fólksbíla hjá bílaumboðinu Öskju. Sýningin er haldin í samstarfi við K. Steinarsson.


Það verður ýmislegt skemmtilegt í gangi á bílasýningunni og má nefna að boðið verður upp á leik þar sem gestir reyna að pútta fyrir holu í höggi. Þeir sem ná holu í höggi fá vinning þannig að það er um að gera að reyna fyrir sig í púttinu.