@Html.Partial("_SocialMetaTags")

Jeppa- og útivistarsýning Kia í nýjum húsakynnum.

Jeppa- og útivistarsýning Kia í nýjum húsakynnum.

30. janúar 2019

Bílaumboðið Askja býður til jeppa- og útivistarsýningar í nýjum og glæsilegum húsakynnum Kia að Krókhálsi 13 nk. laugardag milli kl 12-16.

Stjarna sýningarinnar verður Kia Sorento Arctic Edition en honum verið breytt af Arctic Trucks fyrir íslenskar aðstæður. Hann er breyttur fyrir 31"dekk og hefur 22 cm veghæð. Kia Sorento er 200 hestöfl og hefur 8 þrepa sjálfskiptingu. Sorento Arctic Edition er sérlega dugmikill í íslenski vetrarfærð.

Að auki verður Kia Sportage í boði með veglegum vetrarpakka. Sportage er búinn hátæknivæddu fjórhjóladrifskerfi sem gerir bílnum kleift að aðlagast akstursaðstæðum áður en þær breytast sem er ómetanlegur eiginleiki í vetrarfærð. Í vetrarpakkanum er dráttarbeisli, vetrardekk, þverbogar og skíðafestingar. Á sýningunni verða sérfræðingar frá Fjallakofanum sem ætla að sýna allar helstu nýjungar í vetrarsportinu.

Nýverið flutti Kia í ný húsakynni að Krókhálsi 13 en það er um 4.000 fermetrar að stærð. Þar má finna aðstöðu fyrir glæsilegan sýningarsal fyrir nýja bíla, forgreiningu, söluskoðanir, hraðþjónustu og fullkomið bílaverkstæði með 18 vinnustöðvum. Húsið er sérhannað sérstaklega með tilliti til bílaumboðs.

Kia hefur verið eitt mest vaxandi bílamerkið á Íslandi síðustu ár og er nú þriðja árið í röð annað mest selda bílamerkið, þar sem markaðshlutdeild KIA var yfir 11%. Kia hefur því heldur betur stimplað sig inn hjá Íslendingum undanfarin ár, og hefur 7 ára verkskmiðjuábyrgð KIA þar haft mikið að segja. Að auki hefur Kia verið í efsta sæti í hinni virtu áreiðanleikakönnun JD Power síðustu fjögur ár sem mikill heiður.

Þessi síða notar fótspor (e. cookies) vegna nauðsynlegrar virkni hennar og til að safna tölfræðigögnum með þeim tilgangi að gera síðuna betri.